Fréttir
10.09.2019 Lifi sérvizkan!
 
Áhugaverð grein um títtnefnda [1976, bla, bla, ...] víngerð Heitz í Napa-dal Kaliforníu birtist nýlega í
New York Times.
Segja má að pistillinn, eftir Eric Asimov
{skyldleiki ókunnur við Isaac, höfund þjarkalögmálanna þriggja
[Asimov´s Laws of Robotics ]}
sé ein allsherjar lofræða til sérvizkunnar.

Joe Heitz heitinn virðist hafa fengið ríflegan skerf í vöggugjöf. Hans aðferð við víngerð úr höfuðþrúgu Napa, Cabernet Sauvignon [ís. gælunafn = Kabbi], er frábrugðin annarra að því leyti að hann gerir allt sem hægt er til að halda í ferskleika vínsins, halda sýrustigi háu {pH lágu [pH = 14 - sýrustig]} og meira að segja hindra malólaktíska gerjun.

Helztu einkenni erki-Napa-Kabba eru mýkt {mjólkursýra [laktik] er mun mýkri en eplasýra [maló]}, sæta og lítil sýra. Jói eltist heldur ekki af áfergju við tannín, ólíkt samferðarmönnum sínum í Dalnum. Nýir eigendur víngerðarinnar virðast ætla að halda uppteknum hætti.

Lesendum er trúlega ljóst að hjá síðuhaldara örlar á umræddum eiginleika.

Sjá alla fréttina >>

22.08.2019 Við þurfum að bjarga 5 Finkum - aftur.
 
Fyrir rúmu ári stóð 5 Finques vínið tæpt í Vínbúðunum, var við það að falla úr Kjarna, sem er aðallisti ÁTVR.
Þá tókst með samstilltu átaki vina og vandamanna að hressa upp á söluna, þ.a. framlegðin [mælikvarði ÁTVR á hæfni vöru] skreið upp fyrir hættumörk og hékk þar, þangað til núna í sumar.
Til að afstýra yfirvofandi falli 5F úr sölu í Vínbúðunum þurfa að seljast u.þ.b. 200 flöskur fyrir 1. sept.
Hér má finna ~rauntímastöðu magns í hverri Vínbúð.



Sjá alla fréttina >>

01.08.2019 Verð 5 Finques lækkaði 1. ágúst.
 
5 Finques = Fimm garðar frá Perelada í Katalóníu er mest selda rauðvín Bers og hefur verið um árabil.
Um mánaðamótin lækkuðum við verð 5F úr 3.111 í 2.888.

Þeim sem ekki hafa smakkað 5 Finques er ráðlagt eða gera það hið bráðasta og hinum sem hafa prófað vínið að fylgja fyrirmælum ósvífinnar auglýsingar tómatsósuhöfðingjans Hunt's:

"Fá sér oftar og meira hverju sinni"

Vínið hefur óvenjumikla dýpt, af víni í þessum verðflokki að vera. Sennilega er fjölbreyttum jarðvegi og þrúgum um að kenna.

Sjá alla fréttina >>


 Veldu síðu: 1 2 3 4  Næsta síða  >>